Xalq taʼlimi tizimida hozirda alohida taʼlim ehtiyojlari boʻlgan bolalar tahsil olayotgan maxsus maktablar soni 90 tani tashkil etadi. Jumladan: 19 ta — kar va zif eshituvchi bolalarga ixtisoslashtirilgan; 17 ta — koʻzi ojiz va zaif koʻruvchi bolalarga ixtisoslashtirilgan; 50 ta — aqli zaif bolalarga ixtisoslashtirilgan; 3 ta — tayanch harakatida nuqsoni bor bolalarga ixtisoslashtirilgan; 1 ta — nutqida nuqsoni bor bolalarga ixtisoslashtirilgan maktablardir. 2022-yilda: 268 nafar koʻzi ojiz va zaif koʻruvchi oʻquvchilarning koʻrish qobiliyatlari yaxshilandi; 35 nafar tayanch harakatida nuqsoni boʻlgan oʻquvchilarning erkin harakatlanishlariga imkon yaratildi; 179 nafar kar va zaif eshituvchi oʻquvchilarda koxlear implantatsiya jarrohlik amaliyoti oʻtkazildi; Kar va zaif eshituvchi oʻquvchilarning 4 130 nafariga bepul eshitish moslamalari tarqatildi; 19 ta kar va zaif eshituvchi bolalar uchun ixtisoslashtirilgan maktab-internatlarida eshitish jihozlari “FM-sistema” oʻrnatildi; alohida taʼlim ehtiyojlari boʻlgan bolalar uchun kasb-hunarga yoʻnaltiruvchi mavjud toʻgaraklar soni 569 taga yetkazildi.